呢個就係神州大地赤化69年，厲行威權統治嘅共黨政權，將幾千年來華夏民族使用嘅漢字漢語，銳意傷殘，強行攺造成簡/殘體字同普通話，兼且嚴令全國遵行嘅結果。企圖用只有短短幾十年歷史嘅「現代漢語」，取代約定俗成，承傳發揚華夏鄉土文化嘅漢語，以體現威權統治造成嘅。

華夏文化之所以「博大精深」，就係因為具有廣闊無涯嘅襟懷，包羅萬象，兼收並蓄，生命力頑強，錦綉宏揚。生活喺中國大陸上嘅民族數以千百計，漢滿蒙回藏苗猺黎係最大嘅八族，各有自己嘅語言文字，以及文化承傳。依家夾硬要佢地講普通話寫殘體字。唔通咁樣就會變晒做中國人？咁樣又點止浄係得嶺南、兩廣及同港澳人奮起反抗呢？

如今中共有34個省級行政區，包括23個省、5個自治區、4個直轄市、2個特咪別行政區。使用粵語，繼承及發揚嶺南文化傳統嘅僅有廣西廣東兩省、澳門香港兩個特區、廣州海南兩直轄，仲有散居世界各地嘅嶺南人。

雖然聯合國近年將估計全球約一億二仟萬講粵語（Cantonese），確認為地面上主日常生活中主要運用嘅六種語言（英語、普通話、粵語、俄語、法語、西班牙語，阿拉伯語）之一，但係反而加快中共對粵語強力打壓同鏟除，令廣東話面臨消失嘅命運。