〈制憲〉

新華社周日（2月25日）報道：中國共產黨中央委員會建議，從憲法中刪除中華人民共和國主席和副主席「連任不得超過兩屆」嘅講法。

現行嘅1982年版《中華人民共和國憲法》規定，國家主席、副主席連續任職不得超過兩屆，每一屆係五年。

1982年之前，中國還有過三部憲法。1954年嘅《憲法》規定主席任期為四年，並且行使職權到下屆全國人民代表大會選出嘅下一任主席就職為止。1975年通過嘅憲法決定攞消「中華人民共和國主席」和「副主席」嘅職位。1978年通過嘅《憲法》仍然堅持唔設置國家主席。1982年通過嘅《八二憲法》重新恢復了國家主席一職。

2018年1月，二中會議公報稱，確定要把「習近平新時代中國特色社會主義思想載入國家根本法」。

另外，新華社周日前報道，中共中央政治局委員周六進行第四次集體學習期間，習近平講話時提到，憲法有具有最高嘅法律地位，「任何組織抑或個人都唔得有超越憲法法律嘅特權」。

〈司馬昭之心‧三國誌〉

司馬懿殺咗曹爽，掌握咗魏國嘅實權。佢死咗之後，佢個仔司馬師又掌咗權。司馬師對反對佢嘅大臣大開殺戒，廢除咗魏少帝曹芳，改立曹髦。對唔聽佢支笛嘅地方勢力東征西討。

司馬師死後，佢細佬司馬昭做咗大將軍。司馬氏父子三個人，一個比一個犀利，一個比一個專橫跋扈。

魏帝曹髦實在忍無可忍。有一日，對三個近臣話：司馬昭嘅野心，過路人都知道啦，我唔會再忍落去喇。今日同你地一齊去討伐佢。講完之後，仲喺身上攞出寫好嘅詔書，掟喺地下，話：我已經落咗決心，就係要搏命都唔怕。講完佢就入宮去也。

點知三個近臣當中，有兩個即刻走去同司馬昭報信。

喺20歲嘅曹髦集合宮內禁衛軍同侍從太監，嘈喧巴閉咁喺後宮度殺出嚟嗰陣，就畀司馬昭嘅人馬包圍。最後曹髦被殺。