2010年6月廣州市政協舉行咗一個網上問卷調查，建議新增廣州市營電視頻道普通話節目。問卷內容一面倒，大力推薦建議。然而，調查結果居然有超過八成人反對，並且喺粵港澳引發咗粵語存廢嘅激烈討論。

2010年7月5日，廣州市政協提案委副主任紀可光正式向廣州市人民政府提交《關於進一步加强亞運會軟環境建設嘅建議》；裡邊包括將主要使用粵語嘅廣州電視臺綜合頻道或新聞頻道改為主要使用普通話廣播，或者喺兩者嘅主時段使用普通話廣播。

《建議》提出後，又馬上引起廣州市各界強烈反對同責備。網民認為廣州電視臺可以仿效香港電視臺嘅做法，喺同一頻道提供雙語選擇，咁就可以同時服務粵語觀眾及普通話觀眾。

但係，威權政府又點會就此停止進擊呢？！