70年前，中國大陸出現咗個新政權。新政權成立先至7年，就將普通話，寫簡體字，組合成現代標準漢語，兼夾頒布廣泛通行全國。但係，中國大陸以外使用中文地區，尤其是東南亞，對中文就有唔同稱謂。台灣稱為國語（Mandarin）、馬來西亞同新加坡叫做標準華語，港澳特區就同大陸冇咩分別喇。

將中國推向大一統時代，奠定二千多年政治制度基本嘅「千古一帝」秦始皇帝，喺語言方面冇「統一」大業，就咁畀普通話(Pu Tong Hua)完成咗？

秦始皇帝喺統一神州北嘅同時，實際上亦確立咗政府文告使用嘅「國語」（Official Language），即今時今日嘅所謂「法定語文」，廣東粵語（Cantonese）就係始皇帝欽定嘅國語。當時始皇帝採用嘅，係東周時期形成，用於列國溝通交流嘅「雅語」。

秦國喺戰國時代，曾向嶺南蠻荒地區，發配同遷徙咗大量中原人。歷史上記載有五十五萬人，加埋為逃避處分向南流亡嘅罪犯，數量就更為可觀喇。咁大群包括戰國七雄治下遷居南蠻之地嘅移民，平時生活用以溝通交流嘅當然系「雅語」。

只係得短短14年多啲嘅秦朝傳到二世就亡咗喇。先前畀南遷嘅秦國人趙佗喺廣州建立嘅南越國，將廣東大部分地區同廣西東部地區收入版圖。南越境內通行嘅都係秦朝嘅國語，亦即係保存至今日嘅廣東粵語。

香港原來係廣東寶安小漁村，英國殖民地政府自1841年起一手建立栽培，到而家經已有177年。殖民地嘅法定語文係英文（English），民間通用嘅語言就係廣東粵語。而家大部分香港人（HKers）平時使用嘅本地話係香港話/港式粵語（Hongkonglish），由三文三語構成。三文系中文、英文同埋中英及其他語文(Others)混用；三語就係英文、廣東廣州話同普通話。普通話係1997年香港交回中國共管治後先至引入嘅。

香港特區政府，強行推動「普教中」，係「客家佔地主」同為咗體現「威權統治」！