壹宿無話，5點鐘陽氣發動時起身，THANK GOD又多日享受人生。情繫香港，飲完兩杯水開電腦，睇下有咩好消息。

特區政府雖然唔認本地出現同武漢相關嘅嚴重肺炎，但係就立例將「嚴重新型傳染性病原體呼吸系統病」納入法定必須呈報傳染病，並且修訂有關附屬條例。又將兩例同日刊憲生效，咁即係話唔會隱瞞疫情。多倫多衛生局亦公布制定好完善計劃，用嚟應對呢個疫情嘅變化。Take care!

多個區議會舉行第一次會議，民主派全包正副主席。會議進行之前，在場人士全體肅立為「反送中」死難者默哀；葵青區民主派議員隨後仲站立高歌〈願榮光歸香港〉。咁多個分區議會嘟提出咗「要求讉責警暴」、「要求政府落實五大訴求」兩個議案。民間逆權抗爭同議會抗爭水乳交融。

元朗區議會更成功設立「7.21元朗西鐵站白衣暴徒無差別襲擊巿民事件工作小組」，跟進該嗰單官商鄉黑、狼狽為奸、干犯法紀與共破壞社會安寧事件。18區議會勢將政府合圍，維護公民權益，發展黃色經濟圈。喺呢個「有錢使得鬼推磨」、「NO MONEY NO TALK」、「跪地餵豬乸」嘅拜金主義社會，經濟自主行先，然後至輪到命運自決。

孻尾個福音喺專上院校、中小學、幼稚園如常上課。菁英俊秀、社會未來主人翁可以休養生息、砥礪精進。但係要睇實教育局嗰班敗類，喺度和尚打傘、胡作非為，祇顧今生，唔理來世！