洋紫荊（joeng4 zi2 ging1）；學名：Bauhinia x blakeana），又叫香港蘭（hoeng1 gong2 laan4；Hong Kong Orchid Tree）或宮粉紫荊（gung1 fan2 zi2 ging1），係蘇木亞科羊蹄甲屬嘅常綠喬木。原產香港同印度地區。呢種樹係鄉土樹種。

2005年，香港大學研究證實洋紫荊唔係獨立物種，而係紅花羊蹄甲（Bauhinia purpurea）同宮粉羊蹄甲（Bauhinia variegata）嘅混種。洋紫荊係香港一個神父1880年響薄扶林行山，去到一間廢屋附近發現嘅。1965年成為香港市花。香港蘭嘅花語乃親情同手足和睦。

1997年後香港特別行政區用洋紫荊做區徽同區旗嘅圖案。但係《香港基本法》中文版將洋紫荊叫做紫荊花，英文版仲叫bauhinia。其實咁係錯嘅，因為紫荊花（學名 Cercis chinensis）係另一種植物，屬於紫荊屬，而洋紫荊係羊蹄甲屬，佢哋嘅外形差天共地。

2019年7月1日，真心愛國愛港嘅香港蘭（Hong Kong Orchids），乃係攻佔立法會靈動如水嘅手足，與及今時今日遭受共黨國香港特別行政區政府利用國安法起訴嘅民主勇士！

2021年3 月4日，中共全國政協會議喺北京開幕，主席宣讀工作報告中涉及港澳部分時，連續兩年删除「港人治港」、「高度自治」嘅字眼，就連2020年有提及嘅「一國兩制」都冇咗。報告又提到政協常委會，強化港澳委員政治責任，支持特別行政區政府同行政長官依法施政，鼓勵港區委員圍繞推動香港國安法，制定實施等等持續發聲。

對於未來1年工作部署方針，報告要求須全面堅決支持實踐「愛國者治港」原則，增進港澳青少年「愛國主義」教育，同時增加「港澳同胞、台灣同胞、海外僑胞」團結聯誼，又要促進兩岸經濟文化交流合作等開展調研協商。報告仲重新定義「愛國者」要「愛黨」，「愛國者治港」，就係「舐共者治港」。

中共起訴47朵香港蘭花，係為咗就來立法會同特首選舉清宮除道，以便實施全面管治，收入囊中。倘若選民拒絕投票或者投畀「非愛國者」，人大又可以否決選舉結果，改變選舉制度，務求如願以償。之不過，飽受東西文化交流滋潤嘅洋紫荊，靈根深種，陽謀詭計，終究好夢成空！