明朝立國一百幾年後廣東出咗第一個狀元，佢出身貧寒但幾有文才，係個神童，有「鬼才倫文敘」之稱。佢最經典嘅作品《百鳥歸巢》係佢十三歲嗰年有次鄉紳請佢幫蘇東坡真跡名畫「百鳥歸巢圖」題詩寫嘅：天生一隻又一隻；三四五六七八隻。鳳凰何少鳥何多；啄盡人間千萬石！

詩中頭兩句 1 + 1 + 3 x 4 + 5 x 6 + 7 x 8 = 100 呼應題《百鳥歸巢》。倫文敘仲解釋：「百鳥歸巢圖，巢、朝字同音，詩意是說，忠良賢士不多，奸佞當朝，搜括民脂民膏，以致民不聊生。」

佢嘅古仔同啲詩（包括鹹詩）寫咗響一本叫《倫文叙全集》嘅民間傳奇。黃大仙靈簽第75簽下下簽亦搵倫文叙做主角。籤文：婚姻豈可厭家貧，文叙夫妻兩拆分；一旦首登龍虎榜，戲妻樓墜自亡身。點解佢會「戲妻樓墜自亡身」？祇為引用咗兩句不能登大雅之堂嘅詩句：一雙玉臂千人枕，半點朱唇萬客嘗。

嗰首出處同作者都不詳嘅詩有唔同版本。《高涼村婦盼郎歸情歌》：二八雞婆巧梳妝，洞房夜夜換新郎。一雙玉臂千人枕，半點朱唇萬客嘗。還有一說是出於《仙劍》遊戲中的詩作。詩很寫實，寫出了一個家庭婦女對於丈夫外面尋花問柳時悲痛與複雜的心情。即使丈夫岀了軌，婦人還是「一生悲歡恨怨間，勸郎戒嫖把家還；一覺揚州夢應醒，為妻待郎情無限。」原諒了他。「一雙玉臂千人枕，半點珠唇萬客嘗」又寫出了妓女辛酸無奈的迎送生涯。

民間相傳文曲星有五位值日功曹守護，逢凶化吉，履險如夷。倫文敘就係唔積口德，天帝就收回值日功曹,改由閻王派兩隻小鬼為佢持燈照路，還折咗壽，得年46後再世輪廻。《元‧ 鄭廷玉‧楚昭公第一折》：哎！抵多少惡語傷人六月寒。《元‧王實甫‧西廂記‧第三本‧第二折》：別人行甜言蜜語三冬暖，我根前惡語傷人六月寒。

食齋不如講正話，善哉！