「食為先」同「開門柒件事：柴米油盬醬醋茶」係鄉里嘅口頭禪，足見飲食喺日常生活所佔嘅。若然我哋都好似植物一樣，利用與生俱嚟嘅葉綠素；配合慈愛嘅地球母親無限量供給、潔淨無瑕嘅陽光、空氣同水份，就健康快活咁完成個生活歷程；又可以為眾生提供養分，以及為世界增添色彩。您話幾咁理想呢！

我哋又唔似得神仙妖怪噉，餐風飲露，或者吸取日月精華，騰雲駕霧，長生不老。我地都要飲水食嘢以嚟維持得生命，促進健康，開心過活，繁衍眾多，創造未來。太太喺要返學返工嘅日子，都會準備好早餐，偶然都引會用「早餐食到成個皇帝咁嘅款，午餐就成個皇子咁樣，晩餐呢就好似乞兒咁喇」嗰個講法。

不幸嘅係，生活喺現代先進文明大都巿嘅人，早餐有幾多係要喺出面食嘅呢？或者，屋企裡邊仲有要返學嘅細路，局住要喺屋企煮。不過，使用嘅食材多數係喺超級巿場採購返嚟嘅鮮奶、牛油、麵包、粟米片、蔬菓汁、煙肉、火腿、午餐肉、即食粉面咁啦。呢啲加工食材，造得出皇帝嘅早餐咩？

幾多家庭會有人親自下厨，用新鮮蔬果同食材，煮一日三餐，畀屋企人享用呢？

「食為先」和「開門柒件事：柴米油盬醬醋茶」是鄉里常說的話，可見飲食在日常生活所佔的地位。若然我們都可以像植物一樣，利用與生俱來的葉綠素，配合地球母親慈愛無限供給的潔淨無瑕的陽光、空氣和水份，健康快活的完成生長過程，還為眾生提供了養分，更為世界增添了色彩。

我們又不能像神仙妖怪那樣，餐風飲露，或者吸收日月精華，騰雲駕霧，長生不老。我都得飲水進食以維持生命，促進健康，愉快過活，繁衍眾多，創造未來。太太在上學上班的日子裡，都會準備豐富的早餐，偶然還引用「早餐吃得像個皇帝，午餐像個皇子，晩餐像個叫化子」那個說法。

不幸的是，生活在現代先進文明大都巿的人，早餐有多少是在外面吃的呢？也許，有些家庭裡還有要上學的孩子，得在家裡準備。可是，使用的大多是從超級巿場採購回來的鮮奶、牛油、麵包、玉米片、蔬菓汁、煙肉、火腿、午餐肉、即食粉麵吧。這些加工食材，可以造出皇帝的早餐嗎？

多少家庭會有人親自下厨，用新鮮蔬果和食材，烹調一日三餐，供家人享用？