語言文字係民族文化嘅載體，約定俗成，富有生命力而且隨着時代變遷，進步文明，與人類社會不斷發展向前，唔受任何時地限制。繼承使用則存，無人問津則亡。

粵語雖然係聯合國文化部認定嘅世界六大語言之一，但喺中國大陸以至全球都畀普通話打壓，面對失傳嘅噩運。載負粵語嘅正體漢字亦同病相憐，受盡殘/簡體字嘅傷害。但係漢字正好係五千年錦綉中華文化嘅載體。神州大陸百年之後，承傳嘅會唔會係中華文化、人嘅文化與情嘅文化，確實令人憂慮！

粵語從根本上失去咗繼續生存嘅土壤，枯萎係理所當嘅。但係喺近180年前誕生嘅香港話，就賦與粵語新生命。香港成為英國殖民地嘅同時，亦都引入了咗英語。圖畫文字遇上拼音文字，結合成天衣無縫嘅港式粵語（Hongkonglish）。好似「O曬嘴」「捩噉hea」呢些啲港式潮語，又比如「行快D喇」、「搭的士（Taxi）、「買士擔（Stamp）等日常用語，都係粵英混成嘅港式粵語。

2017年11月8日中美兩個超級大國揸fit人喺北京紫禁城合演咗台好戲。兩人把盞言歡，談笑風生，躊躇滿志。大有三國時代，曹操共劉備煮酒論英雄「天下英豪唯使君與操矣」嘅感覺。黨國「超英趕美」嘅夢想，好似喺建國68年後就實現了咗喇，唔怪得舉國歡騰。力爭「美國優先」嘅大老闆人，得到帝皇式嘅款待，隨行嘅商貿代表團亦袋走咗總值超過2,500億美元嘅經濟商貿協議，真可謂皆大歡喜。

但係旁啲人又點睇台戲嘅呢？英國報章上嘅一幅漫畫，提出咗個觀點。畫裡邊美國總統川普特別長嘅紅色呔，伸到去中共總書記習近平身後，舐喺佢嘅屎忽度… …。今時今日嘅超級大國，都要向呢個「復興」嘅古老東方大國投懷送抱喇！

怕估唔會有太好多人諗得到，事隔三月之後，美國總統川普喺今年1月30日發表上任後嘅第一份國情咨文，就居然將中共列為頭號政經對手，對佢地國家安全構成威脅，仲超越咗俄羅斯添。舊時美國政治家與論政者喺談及國家外部威協脅時，多數用對手（Competitors）嚟形容，依家卻就用敵手(Rivals)嘞。

黨國威權政府廢粵語之心，係人都知。具體表現係眾多南下廣州嘅「老兄」(lăoxiōng）歧視粵語，加埋廣州政府同學校亦用盡理由嚟醜化粵語，矮化粵語，更加喺學校扼殺學生講粵語嘅權利，以致粵語面對生死存亡嘅威脅！

粵語對於兩廣，珠三角同港澳特別行政區嚟講，係一個認祖歸宗、身分認同嘅問題。今日廣州，聽日香港，廢粵推普步步進逼，粵港澳人又點可以坐喺度等死呢？ ！

廣東政協向廣東政府建議，以普通話取代廣東話佔據廣東嘅電視頻道，理據係要「打造廣州國際都市形像」，難保，聽日唔會出現香港區政協以「打造香港世界大都會、中國對外窗口形像」，向香港特區政府建議，唔單止以普通話取代廣東話霸佔香港各電視台中文頻道；仲建議香港各大、中、小學、幼稚園、托兒都攞普通話做授課語言。

柒柒柒政府上台後，喺中小學厲行推普廢粵及普教中語文教育政策，唔使幾耐廣東話都會喺香港消失。之不過冇有怕港式粵語將會通行五大洲七大洋。試問您點頂？！

咁樣粵語喺神州大地，咪即係會「壽終正寢」？之不過，粵人漂洋過海，移居世界各地，廣東話香港話喺邊度都聽得到。承傳光大嶺南文化，粵語大可以喺神州之外嘅土地上遍地開花！

2010年7月有報導話廣州市越秀區執信南路小學，要求學生喺課外時間，亦要用普通話進行溝通。有受訪家長表示，如果學生畀人發現講粵語，就會畀人記名同交畀老師處理，甚至會以扣分同「全校點名批評」作為懲罰。家長因而擔心個女唔敢講粵語，一路係咁落去就唔會講粵語。廣西以前全省通行嘅白話（粵語），就係噉由小學開始灰飛煙滅嘅嘞！

7月11日，廣州100名80後網民第一次喺人民公園進行捍衛廣東話集會，高舉「白話起錨、煲冬瓜收皮」標語，大唱香港一九八零年代粵語流行曲。標語中「煲冬瓜」係「普通話」粵語諧音講法；「收皮」就係「香港話（Hongkonglish）較粗俗嘅說話，意思係叫人收聲或者躝屍趷路。

7月中，又有市民發現明代名將袁崇煥喺東莞石碣鄉下袁崇煥紀念公園，原來金色銘牌上刻有袁打仗嗰陣嘅廣東話「丟阿媽，頂硬上！」銘牌，畀文化部門鑿走。香港《蘋果日報》指呢單嘢「令廣東話捍衞戰火上加油」。台灣新唐人電視台報導就指，有網民認為政府嘅做法有政治用意。

2010年6月廣州市政協舉行咗一個網上問卷調查，建議新增廣州市營電視頻道普通話節目。問卷內容一面倒，大力推薦建議。然而，調查結果居然有超過八成人反對，並且喺粵港澳引發咗粵語存廢嘅激烈討論。

2010年7月5日，廣州市政協提案委副主任紀可光正式向廣州市人民政府提交《關於進一步加强亞運會軟環境建設嘅建議》；裡邊包括將主要使用粵語嘅廣州電視臺綜合頻道或新聞頻道改為主要使用普通話廣播，或者喺兩者嘅主時段使用普通話廣播。

《建議》提出後，又馬上引起廣州市各界強烈反對同責備。網民認為廣州電視臺可以仿效香港電視臺嘅做法，喺同一頻道提供雙語選擇，咁就可以同時服務粵語觀眾及普通話觀眾。

但係，威權政府又點會就此停止進擊呢？！

喺1949年10月中共宣佈立國嘅6年之後，就喺1956年2月公佈實施推廣普通話政策。表面上嘅目的，係方便統一唔同地區之間嘅溝通與交流。採取咗壹系列促進屬於北方官話（普通話）嘅社會應用，以及推廣行為等措施，並且喺中共建制下擁有憲法列明嘅法律地位。

骨子裡，係為咗完全廢除漢字同推行拼音文字（漢語拼音）做好準備，實現「文字改革」。終極目標係改為推廣簡/殘體字共漢語拼音，全國通行。

政策經過國家語言文字工作委員會62年嘅强力推行。家陣，中國大陸嘅一般廣播電視媒體祇可以使用普通話作為播放語言，大型嘅公眾活動亦唯有使用普通話。官方調查顯示，中國大陸家陣超過8成羣衆可以用普通話交流，城鎮居民比例更加喺九成以上。廣州各市政部門同教育機構亦開始咗逐步採用普通話取代廣州話，作為主要行政同教學語言，廣州市區原先通行嘅粵語，通行程度亦日漸被削弱。

扯頭纜對呢個政策進行反抗嘅係廣州人。廣州電視臺經濟頻道曾經喺2009年改用普通話廣播，收視率應聲大跌，就連埋綜合頻道嘅午間普通話新聞亦由於收視欠佳，喺2010年1月改用粵語播出。之不過，市政協提案委員就認為電視臺為咗收視而使用粵語廣播係「因噎廢食」。